Basauriko Udaleko Inmigrazio Atalak, El Taller de Gepetto elkartearekin batera koordinatuta, zenbait jarduera burutuko ditu azken urteetan udalerrian finkatu diren herritar berrien herentzia kultural desberdinak agerian jartzeko.

Jolaseko ingurune batean, eta zinearen, gastronomiaren eta musikaren bidez, proposamen desberdinak jasotzen dira kultura aniztasunaren garrantzia ospatzeko helburuz, denok aberastuko gaituen bizikidetasun inguru batean. Jarduera horiek jende guztiari zuzenduta daude, bai haurrei bai helduei.

ASTEBURUAN ZEHAR ZINE MARATOIA, IPUIN KONTALARIAK ETA HAUR-JOLASAK

Zenbait haur-jarduera Basauriko ikastetxeetan egingo dira, izan ere horiek bat egin baitute Aste Interkulturalarekin, beste jarduera batzuk gizarte etxeetan eta kultur etxeetan egingo dira, eta amaitzeko, Solobarriako karpan egingo diren jarduerekin emango diogu amaiera larunbat eta igandean, hilak 18 eta 19: World-Kafea, festa interkulturala eta haur-jolasak eta tailerrak.

Beste alde batetik, helduei zuzendutako zenbait jardueretan, eta familiaren kontziliazioa sustatzeko helburuz, helduekin etorriko diren umeei zuzendutako zaintza-zerbitzua eskainiko da (zine-maratoia eta World-Kafea). Jarduera horietako zenbaitetan, Basauriko herritar inmigratuen talde desberdinek parte hartu dute: Emakumeak aniztasunean elkartea, Assafar elkartea, Entiquial elkartea, Euskalmon elkartea, eta Caritaseko "Basauri ekinean" talde interkulturala.

iturria prentsa oharra

---

Zabaldu albistea nahi duzun sare sozialean