Usansolok herri-festak ospatuko ditu azaroko azken asteburuan
Herritarrak baserritarrez jantzita eta jaietako zapiagaz etortzera animatzen ditu jaietako antolakuntzak. Ostiralean Niketz eta Kalte rock taldeak aritu dira zuzenean. Larunbatean, ostera, egun osoan kale-giroa izango da nagusi.
Julen Gabiria galdakoztarrak irabazi du Mikel Zarate haur literaturako saria
Nire aita ikusezina da nobela saritu du Leire Bilbaok, Miren Agur Meabek eta Xabier Mendigurenek osatutako epaimahaiak. Mikel Zarate sariak haur literatura jorratzen duten nobelak aintzat hartu eta onena 3.000 eurorekin saritzen du.
Julen Gabiria galdakoztarrak idatzitako Nire aita ikusezina da nobelak irabazi du Mikel Zarate haur literaturako saria. Halaxe erabaki du Leire Bilbaok, Miren Agur Meabek eta Xabier Mendigurenek osatutako epaimahaiak. Gabiriak 3.000 euroko saria jasoko du eta liburua udazkenean kaleratuko da.
Lezamako Udalak eta Elkar argitaletxeak sortu zuten iaz sariketa hau, Lezamako seme eta euskal kulturako sortzaile eta bultzaglle izandako Mikel Zarateren omenez. Lehen urtean Asier Mendoza zarauztarrak jaso zuen saria Beste gu izeneko liburuarekin. Bigarren edizio honetan, berriz, aurkeztutako 19 lanen artean Gabiriarena hautatu du epaimahaiak aho batez.
Connemara gure bihotzetan eleberria izan zen Julen Gabiriaren estreinako lana, Igartza Sariaren lehen urteko irabazlea, eta haren ostean etorri ziren Han goitik itsasoa ikusten da nobela eta Metro bateko letrak haurrentzako kontakizuna. Horiez gain, hainbat itzulpen egin ditu, baita biografiak eta antzerkirako lanak ere.
BIDEOA // Galdakaoko ehun ikasleek euren irratsaioa grabatu dute Bidebieta Irratian
Gandasgei eskolako hirugarren mailako ehun bat ikaslek parte hartu dute Bidebieta Irratiak eskaintzen dituen ahozkotasun ikastaroetan. Aurten, irratiaz gain, telebista ere erabili dute ikastaroek umeen hitz erraztasuna hobetzeko.
Hirugarren urtez jarraian, 7 eta 9 urte bitarteko ikasle bizkaitarrei zuzendutako irrati eta telebista ikastaroak antolatu ditu Bidebieta Irratiak. Aurten, Gandasegi eskola (Galdakao), Jose Migel Barandiaran eskola (Etxebarri) eta Arizko ikastola (Basauri) izan dira hiru parte hartzaileak. Abenduan hasi ziren eskola teoriko eta praktikoak eta urtarrilean bukatu dira ikastaroak. Ikasle talde bakoitzak euren irratsaio propioa grabatu dute Bidebieta Irratiak dituen estudioetan, Basauriko Gizarte Etxean. Ikastaroek Bizkaiko Foru Alduandiaren diru-laguntza jaso dute.
GALDAKAO - GANDASEGI ESKOLA - IRRATSAIOA
Eskola: Gandasegi eskola Maila: 3A Irratsaioa jaitsi: MP3
Eskola: Gandasegi eskola Maila: 3B Irratsaioa jaitsi: MP3
Eskola: Gandasegi eskola Maila: 3C Irratsaioa jaitsi: MP3
GALDAKAO - GANDASEGI ESKOLA - IRRATSAIOA
Adobe Flash Player not installed or older than 9.0.115!
Juan Carlos Irizarrek eta Antxon Irustak sortu dute Galdakaoko ereserki ofiziala
Irailaren 14an estreinatuko da Galdakaoko ereserki ofiziala, herriko zaindariaren festetako egun handian. "Atsegina eta herriaren identitatearen adierazle den" ereserkia sortu dute Irizarrek eta Irustak.
Irailaren 14an, Santa Kruz egunean eta herriko zaindariaren festetako egun handian estreinatuko du Galdakaok bere ereserki ofiziala, guztientzat irekia izango den ekitaldi batean. Abestia Udal Bandako zuzendari Juan Carlos Irizarrek konposatu du, eta Antxon Irusta idazle eta ipuin kontalari galdakoztarrak jarri dio hitza.
"Ereserki handia da, orkestrazio klasikoa baina atsegina duena", dio Juan Carlos Irizarrek; musikariak hemeretzi urte daramatza Máximo Moreno Musika Eskolan Udal Bandako zuzendari moduan. "Irusta eta biok elkarlanean aritu gara, ereserkiari eskatzen zaiona lortu nahian: protokolozko abaguneetarako abesti eta herriaren identitatearen adierazle izatea", gaineratu du.
Banda, abesbatza eta txisturako moldatua izan da ereserkia, bi minutu inguruko iraupena du, eta ondoko ahapaldiarekin hasten da:
GALDAKAO HERRIAK MUSIKA DU LAGUN, GUREA DEN MOZOLLO DAUKAGU EZAGUN. ELKARREKIN HERRIAN ABESTU DEZAGUN, EZ DAGO GU LAKORIK MUNDUAN GAUR EGUN.
Adineko pertsonen III. Olinpiada Santa Crucesen egingo da eta 300 lagun baino gehiagok parte hartzea espero da
Bi ordutan zehar boloetan, igelaren jokoan edo petankan jokatuko dute, besteak beste. Jarduera guztiak Krutzeko plazan egingo dira, eta parte hartzeko ez da izena eman beharrik izango.
Irailaren 10etik 19ra bitartean ospatuko diren Galdakaoko jaietan egingo dira adineko pertsonentzako III. Joko Tradizionalen Olinpiadak; 2008an ospatu zen lehen edizioan 300 lagun inguruk hartu zuten parte. Aurten irailaren 15ean egingo dira, goizeko 11.00etan hasita. Galdakaoko Udaleko Adineko Pertsonen Dinamizaziorako Zerbitzuak bultzatu du ekimena.
BOLOAK, PETANKA, IGELAREN JOKOA, ARKU-TIROA, HOYOTEA ETA ZAZPI T’ERDI
Bi ordutan zehar joko tradizional ezberdinetan (Boloak, Petanka, Igelaren Jokoa, Arku-Tiroa, Hoyotea eta Zazpi t’erdi) aritzeko aukera eskainiko da, eta parte hartzea guztiz librea izango da. Horrez gain, Galdakaoko Adineko Pertsonen Zentroen Arteko Txapelketa ere ospatuko da. Oraingoz, sei zentrok parte hartuko dutela baieztatu dute, eta horiez gain, bakarka parte hartu nahi duten herritarrentzat ere ateak zabalik izango ditu txapelketa honek.
III. Olinpiada hauetako arauek dioten moduan, jokoetan parte hartzeko ez dago izena eman beharrik, bertara gerturatzearekin nahikoa da. Joko bakoitzean nahi adina bider parte hartu ahal izango da; pertsona batek joko batean parte hartzen duen bakoitzean txartel bat emango zaio dagokion kolorearekin. Bestetik, parte-hartzea saritzeko zozketa bat egingo da (zozketan sartu ahal izateko, sei jokoetako bakoitzean gutxienez behin parte hartu beharko da).
ZOZKETA HIRU SARIREKIN
Aurrekoetan bezala, hirugarren edizio honetan Zentroen Arteko Txapelketa bat jokatuko da Galdakaoko adineko pertsonen zentro ezberdinen artean, eta baita beste Bakarkako Txapelketa bat ere parte hartu nahi duten adineko pertsona guztien artean. Azken honetarako ez da beharrezkoa izango izena ematea, bertaratu eta parte hartzearekin nahikoa da, ongi pasatuz eta parte hartzaileen artean egingo diren zozketan parte hartuz. Zozketetako sariak honakoak izango dira: San Mamesera bisita kultural bat, Punta Luceron (Santurtzi) mendi ibilaldia eta Galdakaoko eta Usansoloko KZGuneetan informatika ikastaroak.
